Бу смартфонни битта электромобил нархида сотишмоқда!

  •   DiMaX
  •  1322
  •  05.03.2020 14:19

Бу смартфонни битта электромобил нархида сотишмоқда!

Citroën втоконцерни яқинда Ami русумли, дунёдаги энг арзон электромобилни намойиш қилган эди. Ўшанда мазкур машинани атиги тўртта iPhone 11 Pro Max ёки иккита Huawei Mate Xs нархида эканини таъкидлагандик.

ЎҚИНГ: Билл Гейтс илк электрокарини сотиб олди – Tesla’никидан тўрт баравар қиммат! (+видео)

Бугун – 5 март куни Huawei ўзининг Mate Xs букламафонини онлайн савдога чиқарди. Савдоси бошланиши арафасида уни олиш учун виртуал навбатда турганлар сони бир миллион кишидан ошиб кетди.

Кутилганидек, Huawei Mate Xs’нинг биринчи партияси бир зумдаёқ сотиб тугатилди. Уни харид қилишга олдиндан ариза бериб қўйганларнинг аксарияти расмий сайтдаги «Сотиб олиш» тугмачасини босишга ҳам улгурмай қолишган!

ЎҚИНГ: Huawei'нинг энг қиммат смартфонини арзонроққа харид қилинг!

Лекин энг қизиғи шундан кейин бошланган – Хитойдаги турли онлайн савдо платформаларида Huawei Mate Xs қайта сотувга қўйилган ва, табиийки, энди унинг нархи анча оширилган эди. Олибсотарлар ушбу букламафоннинг устига яна бир баравардан ҳам ошиқ нарх қўйишган – уни энди 6000 доллардан камига топиб бўлмаяпти. Яъни, энди бу смартфон дунёдаги энг арзон электрокардан ҳам қиммат!

Таъкидлаш керакки, илк партиядан харид қилишга улгурган олибсотарларнинг айримлари, уни Huawei етказиб берувчилари орасидаги ўз одамлари орқали сотиб олишга муваффақ бўлганларини таъкидлашмоқда.

Huawei Mate Xs хусусиятлари ва видеоси билан мана бу ҳавола орқали танишиш мумкин. Унинг иккинчи партияси эса 8 март куни сотувга қўйилади.

ЎҚИНГ: 4200 долларлик 5G-смартфон савдога чиқди, VIP-хизматлари билан!

Сайтимизнинг энг чиройли расмларини Инстаграмдаги саҳифамизда томоша қилинг!