Бу учар кетмон эмас, лекин у сизни учира олади

Бу учар кетмон эмас, лекин у сизни учира олади

Американинг Висконсин штатида жойлашган Поплар қишлоғида яшовчи Даниел Гант исмли инжинер 13 ёшидан бери самолёт моделларини ясаш билан шуғулланади. У Cirrus Aircraft компанияси собиқ муҳандиси бўлиб, ўзининг шахсий учувчи лицензиясига эга. Ҳозирда ўзининг Ascend Dynamics номли компаниясига асос солган. Гант яқинда компаниясининг илк маҳсулоти - SkyPak бренд номли учар жетпакинининг илк прототипини тақдим қилди.

SkyPak V1 - худди рюкзакдек кийиб олинадиган тўлиқ электрик қурилма бўлиб, технологияни исботлаш учун консепт шаклида ишлаб чиқилган. Оғирлиг 36 кг. Бўйига 116 см, энига эса 89 см ўлчамдаги прототип алюминийдан ясалган. Ҳар бири 7кВт қувватга эга 12 та двигател билан жетпак 112 от кучига эга ва у ҳозирча синов учун 2 дақиқа уча олади.
IMG_20220306_141718.jpg
Маълум бўлишича, ҳозирда келажакда аввалгисидан бироз оғирроқ бўладиган SkyPak V2 яна бир тест прототипи учун маблағ йиғилмоқда. Ундан кейин эса SkyPak X1 - 30 дақиқа учиш имконини берувчи якуний маҳсулот чиқарилади.

Бундай электр вертикал учиш-қўниш қурилмаси одатда бориш қийин бўлган ҳудудларга кириш ёки қидирув-қутқарув ёки техник хизмат кўрсатиш ишларида катта фойда келтиради.

ЎҚИНГ: Бу диванда нафақат ухлаш, балки ўйин ўйнаш ва овқатланиш ҳам мумкин

Сайт янгиликларидан доимий хабардор бўлиш учун Телеграм каналимизга қўшилинг!