Бу йил чиқадиган тўртта iPhone 12 билан танишамиз!
Apple шу ойнинг ўзидаёқ 2016 йилги iPhone SE ҳамёнбоп модели давомчиси – iPhone SE 2020 смартфонини тақдим этиши кутилмоқда. Унинг iPhone SE 2 номи остида чиқиши айтилаётганди, аммо компания ўзининг Хитойдаги расмий сайтида iPhone 9 номи билан, нархини ҳам кўрсатган эди. Аммо...
ЎҚИНГ: iPhone SE 2020 (iPhone 9 ёки iPhone SE 2) аллақачон дўконга чиқди!
Лекин купертиноликларнинг флагман смартфонлари – кузда намойиш этилиши кутилаётган iPhone 12 туркумидир. Таниқли инсайдер Жон Проссер (Jon Prosser) маълум қилишича, Apple бу йил уларни бирйўла тўртта моделда чиқаради. Уларнинг барчаси прототип тарзида деярли тайёр, шу сабабли яқин бир-икки ойда янги айфонларнинг рендерлари чиқиб қолади.
Ҳар тўртала iPhone 12 экран ўлчамига ҳамда бош камера датчикларига кўра ўзаро фарқланади. Аммо уларнинг дисплейидаги кемтик йўқолмайди, фақат сал ихчамроқ бўлади. Барчасининг «электрон юраги» сифатида бешинчи авлод уяли алоқа тармоқларида ишлашни қўллаб-қувватловчи Apple A14 процессори танланган.
ЎҚИНГ: iPhone 12’нинг лазерли 3D-камераси қандай бўлади?
Шундай қилиб, ўн иккинчи авлод айфонлар туркумига қуйидагилар киради:
- iPhone 12 (кодли номи D52G): 5,4 дюймлик дисплей, алюминий корпус ва қўшалоқ камера;
- iPhone 12 (кодли номи D53G): 6,1 дюймлик дисплей, алюминий корпус ва қўшалоқ камера;
- iPhone 12 Pro (кодли номи D53P): 6,1 дюймлик дисплей, зангламас пўлатдан ишланган корпус, учталик камера + Lidar сканери (iPad Pro 2020’да қўлланган);
- iPhone 12 Pro Max (кодли номи D54P): 6,7 дюймлик дисплей, зангламас пўлатдан ишланган корпус, учталик камера + Lidar сканери.
Apple уларнинг тақдимотини кузда ўтказиши керак, лекин бу тадбир айнан қачон бўлиб ўтиши номаълум. Коронавирус пандемияси сабабли бу намойиш анча кечикиши мумкин, ҳатто...
