Бу йил икки миллиардинчи iPhone сотувга чиқади

Apple компанияси илк iPhone'ни бундан нақ 13 йил олдин сотувга чиқарган эди. Ўшандан буён бу қурилма компаниянинг энг муҳим маҳсулотига айланди ва айни дамда даромадларнинг катта қисми смартфонлардан тушади.

Бозор таҳлили билан шуғулланувчи саккиз компаниянинг ишонишича, купертинолик компания жорий йилда iPhone'нинг икки миллиардинчи вакилини сотувга чиқаради. 2020 молия йилида Apple 186 миллион дона iPhone сотиши кутилаётган эди, бироқ байрамлар давридаги сотувлар анчайин яхши бўлгани сабаб ушбу кўрсаткич ҳозирда 195 миллион бўлиши тахмин қилинмоқда.

Агар ҳаммаси кутилганидек бўлса, илк бора 2007 йилда сотувга чиққан iPhone савдолари жорий йил охирида 1.9 милиардга етиши керак.

iPhone савдолари 2015—2018 йилдаги каби юқори бўлмасада, компания 2020 йилни рекорд даражадаги 275 миллиард доллар билан якунлаши кутилаётир.

Бундан ташқари, App Store, Apple Pay ва Apple Music каби хизматлар ҳам ишлаб чиқарувчига анчайин маблағ келтирмоқда.

ЎҚИНГ: Apple ўз рекордини янгилади