Бу йил қанча 5G-смартфон ишлаб чиқарилади?
Strategy Analytics'нинг сўнгги башоратларига кўра, бу йил 5G смартфонлар сони ўтган йилгига қараганда 10 баробар ошиб, 199 миллионга етади.
Бу рақамлар бутун смартфон савдосининг 15% ини ташкил этади. Таққослаш учун, 2019 йилда бозорнинг атиги 1% и бешинчи авлод алоқасини қўллаб-қувватловчи мобиллардан таркиб топган эди.
Башоратга кўра, 5G-мобиллар глобал савдосининг 90% улуши Хитой, АҚШ, Жанубий Корея, Япония ва Германия давлатлари ҳиссасига тўғри келади.
5G-смартфонлар ишлаб чиқарилиши кўпайса-да, уларнинг етказиб берилиш ҳажми коронавирус таъсири остида қолиши мумкин.
2020 йилнинг биринчи қисмида етказиб бериш секинроқ бўлиши кутилмоқда; йилнинг иккинчи ярмидан бошлаб эса вазият ижобий томонга кескин ўзгаради.
ЎҚИНГ: Samsung 2019 йилда нечта 5G смартфон сотгани маълум бўлди
