Бу йилги энг арзон iPhone XR 2 ҳам «квадрат» камерали бўлади!
Apple ўн биринчи авлод айфонларини уч модулли, квадрат блокдаги камера билан жиҳозлаши аллақачондан маълум. Буни исботловчи «жонли» суратни ҳам эълон қилганмиз.
ЎҚИНГ: 2019 йилги барча iPhone’ларнинг камералари «кўринмас» бўлади!
Купертиноликларнинг 2018 йилги смартфонлари орасида iPhone XR модели ҳамёнбоплиги сабабли анчагина оммалашган. Таҳлилчиларга кўра, Apple бу йил кузги конференциясида унинг иккинчи авлоди – iPhone XR 2 смартфонини ҳам тақдим этади.
Хабарларга кўра, iPhone XR 2 нархи ҳам ўтган йилги арзон модел даражасида қолади. Аммо унинг техник хусусиятлари сезиларли даражада яхшиланади. Гарчи суюқ кристалли экранга эга бўлса-да, унинг ромлари анчагина юпқалаштирилади.
Худди бу йилги «катта» айфонлар каби, iPhone XR 2 моделида ҳам бош камера квадрат модулга жойланади. Лекин унинг модуллари учта эмас, балки «атиги» иккита бўлишини айтишмоқда. Улардан бири классик кенг бурчакли объективга, иккинчиси эса оптик зумни таъминловчи телеобъективга эга. Ҳамёнбоп айфоннинг олд камераси аниқлиги эса 7 дан 12 мегапикселга оширилади.
Яқинда чиққан маълумотларга кўра, iPhone XR 2 модели купертиноликларнинг суюқ кристалли сўнгги айфони бўлади. Компания бундан кейинги барча смартфонларида OLED-панелга ўтади, дейишмоқда кузатувчилар.
ЎҚИНГ: Сентябрда чиқадиган iPhone XI Max’ни илк суратлар ва видеода ҳар томонлама кўрамиз!
