Бугун MIUI'нинг туғилган куни! У неча ёшга тўлди?!
Бугун Xiaomi смартфонлари учун яратилган MIUI график қобиғининг туғилган куни. 2010 йилнинг 16 август санасида тақдим қилинган тизим ўзининг 9 ёшини нишонламоқда. Шу муносабат билан компания бугун тадбир ўтказиб, унда янги MIUI 11 ҳақида маълумотлар бериб ўтиши кутилмоқда. Аммо, тўлиқ тақдимот бироз кейин – сентябр ойида бўлиб ўтади.
Қизиққон фойдаланувчилар MIUI’нинг Weibo тармоғидаги саҳифасини синчковлик билан кузатиб чиқиб, MIUI 11’нинг тақдимот санасини анқлади. Унга кўра тадбир 5 сентябр куни бўлиб ўтади. Айни дамда бошқа тафсилотлар маълум эмас, аммо катта эҳтимол билан бугунги тадбирда бунга расман ойдинлик киритилади.
