Бугуноқ тақдим этиладиган Xiaomi Redmi Y2 нархи ва жиҳатлари билан танишинг!
Xiaomi компанияси яқинда Redmi S2 русумли девайсини тақдим этган эди. Бу – асосан селфи ишқибозларига мўлжалланган, қўш камерали, металл корпусли смартфондир.
ЎҚИНГ: "Малика"даги "селфи-киллер" — Redmi S2'ни ўрганамиз
Турли хабарларга кўра, хитойлик смартфонсоз бугун – 7 июндаёқ унинг модернизация қилинган талқини – Xiaomi Redmi Y2 моделини тақдим этади. У ривожланаётган Ҳиндистон бозорига мўлжалланган бўлиб, фақат Amazon India платформаси орқали сотилади.
Ўтган йилнинг ноябрида тақдим этилган Xiaomi Redmi Y1 селфифонининг 16 мегапикселли олд камераси «сунъий идрок» тизимига ва ёруғлик-диодли фоточақноққа эга. Унинг издоши – Redmi Y2 ҳам шундай камера ва бироз кучайтирилган жиҳатларга эга бўлиши айтилаётир.
ЎҚИНГ: Xiaomi’нинг селфисеварларга совғаси – Redmi Y1 ва Redmi Y1 Lite тақдим этилди
Хулласи калом, инсайдерлар берган маълумотларга кўра, Xiaomi Redmi Y2 смартфони қуйидагича техник хусусиятларга эга:
- Дисплей: 5,99 дюймли, HD+ форматли, 2,5D ҳимоя шишали, томонлари 18:9 нисбатли;
- Процессор: Qualcomm Snapdragon 625, такт частотаси 2,0 гигагерц;
- Хотира: 3/32 ёки 4/64 ГБ; яна 256 ГБгача ҳажмли microSD уячаси бор;
- Асосий камера: 12 + 5 МП, ёруғлик-диодли чақноқ;
- Олд камера: 16 МП, ёруғлик-диодли чақноқ, «сунъий онг» асосидаги AI портрет ҳамда AI beauty конфигурацияли;
- Операцион тизим: Android 8.1 Oreo базасидаги MIUI 10 прошивкаси;
- Аккумулятор: 3080 мА/соатлик Li-Ion;
- Бармоқ изи сканери: орқа панелда.
Xiaomi Redmi Y2 смартфони уч хил – пушти тилларанг, тилларанг ва кумушранг корпусларда тақдим этилади. Унинг 3 гигабайт тезкор хотирали талқини 999 юанга баҳоланиши тахмин қилинаётир, бу тахминан 156 АҚШ долларига тенг келади. Смартфоннинг 4 гигабайтлик хотирага эга версияси эса 1299 юань (тахминан 203 доллар) бўлиши мумкин.
Ушбу смартфон билан деярли бир хил бўлган Xiaomi Redmi S2 модели эса, яқиндагина расман тақдим этилган бўлса-да, аллақачон Ўзбекистон бозорларига ҳам етказилган.
