Букилган мониторлар 2015 йилда бир миллиондан ортиқ сотилди
Суюқ кристалли экранларни ишлаб чиқарувчи LG Electronics ва Samsung Electronics 2013 йилда биринчи букилган экранли телевизорни, 2014 йилда эса шахсий компьютер учун букилган дисплейни тақдим этишган эди. Бу экранда фойдаланувчи ўзини тасвирга ботаётгандек сезади. Нархи баландлиги ва тушунарсиз ўзига хослиги уларнинг оммалашувига тўсиқ бўлди. Шунга қарамасдан, нархлар тушиши ва ассортимент кенгайиши манзарасида букилган мониторларга ҳам бир зайлда харидорлар топилмоқда.
WitsView компаниясининг суюқ кристалли панеллар савдосини таҳлил қилувчи бўлими маълумотига кўра жорий йилда бир миллионга яқин букилган экранлар сотилди. Келаси йилга бу сон 30-50 фоизга ортиши башорат қилинмоқда. Анъанавий экранлар билан нархида 20 фоиз фарқ бор.
Букилган мониторлар 90 фоизининг томонлари нисбати 21:9, диагонали эса 27 дюйм ва ундан кўпроқ. Бунинг сабаби, асосан, компьютер ўйинлари ишқибозлари букилган мониторга қизиқишидир – улар ўйин жараёнида экранга “сингиб кетишни” хоҳлашади. Бундай экранлар сиғими 2560 × 1080 дан 3440 × 1440 гача бўлади.
