Буклама-флагман Samsung W2019 ўзини узоқ куттирмайди

2017 йилнинг декабрида Samsung компанияси Samsung W2018 смартфонини намойиш қилганди. Қурилма ҳақиқатан ҳам қиммат буклама-смартфон бўлиб, туртиб чиқадиган камераси билан таъминланганди. Ана энди, тармоқларда унинг издоши ҳақида хабарлар пайдо бўла бошлади. У Samsung W2019 бўлади.

Твиттер  инсайдерларининг таъкидлашича, янги буклама Samsung қурилмаси Project Lykan, деб номланган ва кейинги пайтда урф бўлган асосий қўш камерага эга бўлади. Қолаверса, у шу йилнинг охиригача сотувга чиқади.

ЎҚИНГ: Samsung Galaxy S9 ва S9+ нархлари «чақиб оладиган» бўлади

Расмга қараб айтиш мумкинки, эккала экран ҳам жойида. Аппаратнинг ишлашини  Snapdragon 845 (Samsung W2018 да Snapdragon 835 эди) чипи таъминлайди. Барча замонавий қурилмалардаги каби, унда ҳам бармоқ излари сканери ўрнатилган. Буклама-флагманнинг бошқа жиҳатлари ҳозирча маълум қилинмади.

Нима бўлганда ҳам, янги қурилма ҳақиқий флагманлардек баҳоланган (2400 доллардан кам эмас). Смартфон  чин маънода кучли, камераси эса аъло, ва албатта, унга энг  янги технологиялар қўлланилган. Аппаратга юзни танийдиган функция ва энг янги экраности дактилоскопик  датчик ҳам ўрнатилиши мумкин.

ЎҚИНГ: Samsung премиум смартфон-«раскладушка»ни тақдим қилди