Буклама iPhone’нинг чиқиш вақти айтилди (+видео)
Кўпчилик смартфонсозлар буклама телефон яратиш устида иш олиб бораётганидан, бу борада маълум ютуқларга эришилгани – ўрама дисплейлар тақдим этилгани хабарингиз бор. Шулар қатори, Apple компанияси ҳам букланувчан iPhone тақдим этишда етакчиликка интилаётир.
ЎҚИНГ: Samsung бармоқ изи сканерига эга ўрама экранли қурилма яратди! (+видео)
Merrill Lynch сармоялар банки таҳлилчиси Вамси Моҳан (Wamsi Mohan) фикрига кўра, купертинолик гигант бундай антиқа форм-факторли айфонини икки йилдан сўнг намойиш этиши мумкин. Таҳлилчи бир неча ҳафта мобайнида Осиё мамлакатларида бўлиб, Apple корпорациясининг турли бутловчи қисмларни етказиб берувчи ҳамкорлари билан учрашиб, шу хулосага келган.
Вамси Моҳаннинг таъкидлашича, йиғма iPhone тақдимоти 2020 йилда бўлиб ўтади ва, катта эҳтимол билан, бу қурилма ҳозирги планшетлар ўрнини эгаллайди. Зеро, ёйилган ҳолатида у iPad форм-факторига киради-да.
ЎҚИНГ: Apple «раскладушка» iPhone чиқармоқчи, аммо Samsung’дан чўчияпти
Мана, буклама iPhone’га бағишлаб тайёрланган видеолавҳани биргаликда томоша қиламиз:
Айтиб ўтиш ўринлики, Apple ўтган йилги iPhone X суперфлагманидаёқ қайишқоқ OLED-дисплей қўллаган. Унинг чеккалари қайрилиб смартфон корпуси ичига кирган; шу қисмида экран контроллери жойлашган.
Бундай қизиқарли муҳандислик ечими юбилей айфонида корпуснинг пастки ромини кичрайтириш имконини берган.
ЎҚИНГ: MWC 2018’да рекорд: энг антиқа дизайнли смартфонлар ва бошқа гаджетларни ким олиб келган?
