Бунақаси бўлмаган: фирибгарни шрифт фош этди!
Канадалик тадбиркор Жеральд Макгой (Gerald McGoey) банкрот бўлиб, қарзларини қоплаш учун мол-мулки мусодара қилинадиган бўлган. Лекин унинг судга айтишича, мол-мулки ўзининг эмас, балки хотинининг номида экан – уни мусодара этиш мумкин эмас.
ЎҚИНГ: Эҳтиёт бўлинг! Интернетда фирибгарлик кўпаймоқда
Бизнесмен бу ҳақдаги ҳужжатларни судга тақдим этганида, экспертлар уларнинг қалбаки эканини пайқаб қолишди. Ўзиям нимасидан денг – ёзувининг шрифтидан!
Гап шундаки, уй-жой ҳужжатларидаги барча ёзувлар 2004 йилда яратилган Calibri шрифтида ёзилган экан, ҳужжатлар санаси эса – 1995 йилга тўғри келади. Яна битта ҳужжат эса Cambria шрифтида терилган – бу шрифт ҳам 2004 йили яратилиб, 2007 йилдагина оммалашган.
Шу тариқа, Жеральд Макгой мол-мулкидан ажралишдан ташқари, яна судни алдашга урингани ва қалбаки ҳужжат тайёрлагани учун ҳам жавобгарликка тортиладиган бўляпти.
ЎҚИНГ: Microsoft Word’даги махфий конвертерни фаоллаштирамиз