Бунақаси бўлмаган: Samsung энди Apple ва iPhone’ни «сериал тарзида» масхара қилишга ўтди! (+3 та видео)

DiMaX
2513
21.07.2018 10:39

Куни кеча жанубий кореялик техногигант ўзининг Galaxy S9 флагмани рекламасида Apple’нинг техник кўмак хизмати ҳамда юбилей суперфлагмани устидан кулган эди. Samsung бу мавзуни яна давом эттирмоқда – афтидан, у ўзининг «ашаддий рақиби»ни масхараловчи роликлардан сериал тайёрламоқчи...

ЎҚИНГ: Samsung ўз рекламаларида Apple’ни масхаралаб чарчамаяпти

Кеча Samsung бирданига учта реклама лавҳасини эълон қилди ва уларнинг барчасида купертинолик гигант таклиф этаётган ечимлар устидан кулган. Бу роликларда Apple Store дўконларидаги маслаҳатчилар майна қилинган ва шу орқали Samsung ечимларининг устунликларига ишора қилинган.

Мана, илк видеолавҳада iPhone’ларда қулоқчинлар учун 3,5 миллиметрлик аудиотирқиш йўқлиги ҳажв остига олинган. Корпорация мижози келиб, ўз қулоқчинини смартфонга қандай улаш кераклигини маслаҳатчидан сўрайди. Компания ходими бунга: «Переходник (инглизчада – dongle) улаш керак», дея жавоб беради. Шунда мижозда бошқа савол пайдо бўлади: «Қандай қилиб бир вақтнинг ўзида ҳам мусиқа тинглаб, ҳам смартфонни қувватлашим мумкин?» Жавоб оддий: «Бошқа переходник керак».

ЎҚИНГ: Galaxy S9’нинг тўққизта устунлиги: 2. Dolby Atmos эффектли AKG стереодинамиклари (+видео)

Samsung тақдим этган иккинчи ролик эса тезкор қувватлаш функциясига бағишланган. Унда мижоз қиз Apple маслаҳатчисига мурожаат этиб, iPhone жамланмасида нега тезкор қувватлаш тўплами йўқлигини сўрайди. Консультант эса унга, бошқа USB-кабель ҳамда тезкор қувватлаш функциясига эга бўлган махсус адаптер сотиб олишни таклиф этади. Англаганингиздек, бу лавҳада Galaxy S9 флагманлари жамланмасида тезкор қувватлаш тўплами ҳам бирга тақдим этилиши реклама қилинган.

ЎҚИНГ: Galaxy S9/S9+ : суперфлагманларнинг сири!

Сўнгги видеороликда эса iPhone камераси масхараланган. Унда мижоз ва маслаҳатчи орасида DxOMark тестлари натижаларига ишониш мумкинми-йўқми, дея баҳс кетади. Маълумки, ушбу профессионал компания тажрибаларида Galaxy S9 камераси Apple смартфонларидан устунлиги аниқланган. Рекламадаги маслаҳатчи эса, «рақамларга эмас, балки ўз юрагига ишониш»ни таклиф этади...