Буниси бошқача: Meizu Note 8 тақдимотига таклифнома билан бирга нимча ҳам тарқатилди

Meizu компанияси ўз тақдимотига таклифнома тарқатганда ҳеч қачон “анъанавийликка” амал қилган эмас. Тадбирни албатта ўзига хос, аввалгиларидан бошқача ўтказиш компания тамойилига айланган, десак хато қилмаган бўламиз. Айтиш мумкинки, бу гал ҳам  шундай бўлди.

Аввал ёзганимиздек, Meizu Note 8 (ёки M8 Note) 25 октябрда тақдим этилади (шу куни Xiaomi Mi Mix 3 ҳам тақдим этилади). Лекин журналистлар ушбу тақдимотга фақат кеча таклифнома олишди ва у етарлича ноодатий бўлди.

Жунатманинг асосий қизиқ томони  (Meizu бошқача қила олмайди) нимча бўлди, кўринишидан  National Geographic билан ҳамкорлик қилган чамаси. Нимчанинг икки томонида ҳам тақдимот  ҳақида ахборот берилган, шунингдек  Note 8 (National Optical Technology Expert) аббревиатураси ҳам бор, бу Meizu’нинг янги смартфонига ишорадир.

Маълумотларга кўра, Meizu Note 8 6-дюймли FHD+ дисплейи ва саккизядроли процессорига эга. Процессорнинг такт частотаси 1.8 ГГц. Бу Snapdragon 636 ёки Snapdragon 450 бўлиши мумкин. Смартфон шунингдек, 4 ГБ ОЗУ, 64 ГБ ПЗУ, иккиталик асосий камера ва сиғими 3500 мАч  аккумулятори билан таъминланган. Девайс Android 8.1 Oreoда ишлайди.

Ҳозирча журналистларга таклифнома жўнатилди, тақдимотга эса бироз бор.  Meizu компаниясининг катта вице-президенти Ли Нан (Li Nan) қурилмани суратга олиб тармоқларда эълон қилди. Сурат тунда олинганига қарамай, анча сифатли қурилма экани кўриниб турибди.