Буюк Британия учун чиқарилган Samsung Galaxy S7 Edge тез орада Android 7.0 версиясига янгиланади

Бугун Sammobile нашри Буюк Британия операторлари учун чиқарилган Samsung Galaxy S7 Edge модели учун Android 7.0 дастурининг бета-версияси тайёрланганини маълум қилди. Ўтган йилда ҳам айнан мана шу мамлакат фойдаланувчилари биринчилардан бўлиб Galaxy S6 ва  S6 Edge қурилмаларини Android Marshmallow версиясига янгиланган эдилар.

Galaxy S7 Edge учун чиқарилган Android 7.0 бета-версиясини юклаб олмоқчи бўлган Буюк Британияда яшайдиган фойдаланувчилар Galaxy Apps ресурсида сўров қолдиришлари мумкин. Бета-синов муваффақиятли якунлангач, Samsung Android 7.0 дастурининг расмий прошивкасини барча фойдаланувчиларга юборади.

Демак, тез орада Европанинг бошқа операторларига мўлжалланган, шу билан бирга МДҲ мамлакатлари учун чиқарилган Galaxy S7 Edge модели Android 7.0 версиясига янгиланиши мумкин. Ҳозирча мазкур версиянинг бизнинг ҳудудга чиқарилган янгиланиши қачон пайдо бўлиши номаълум.