Call of Duty: MW II янги тизери чиқарилди
Бир неча ҳафта олдин Call of Duty: Modern Warfare II'нинг аниқ чиқарилиш санасини маълум қилганидан кейин, Activision Blizzard ўйиннинг янги тизер-трейлерини чиқарди ва уни 8 июн куни Тошкент вақти билан 22:00 да бутун дунё учун тақдим қилишини эълон қилди.
2019 йили чиқарилган COD: Modern Warfare'нинг давоми эканлиги айтилаётган ўйин 28 октабр куни ўйин платформаларига чиқарилиши аллақачон хабар қилинди. Шунингдек, Activision ўйин қаҳрамонларини ҳам ошкор қилди. Маълум бўлишича, янги ўйинга Task Force 141 жамоаси: капитан Жон Прайс, сержант Кайл "Gaz" Гаррик, Сержант "Soap" MacTavish, ёлғиз бўри лақабини олган Саймон "Ghost" Райли ва Мексика махсус кучлари колонели Алехандро Варгас қайтадилар.
Глобал тақдимот ўйин ҳақида янада кўп маълумотларни очиб беради ва биз ўйин жараёнини кўришга ҳам муваффақ бўлишимиз мумкин.
Миш-мишларга кўра, COD: MW II компютерлар учун нафақат Battle.net платформасига, балки, Steam ўйинлар дўконига ҳам чиқарилиши мумкин.
