Canalys: Samsung биринчи чоракда рекорд даражада смартфон етказиб берди
Canalys'нинг глобал таҳлилий ҳисоботига кўра, бу йилнинг биринчи чорагида жами 347 миллиондан ортиқ смартфонлар сотилган. Бу кўрсаткич ўтган йилнинг шу даврига нисбатан 27 фоизга ўсганини англатади.
ЎҚИНГ: Spotify'нинг пуллик обуначилари сони 158 миллионга етди. Тез орада пуллик подкастлар пайдо бўлади
76.5 миллион дона смартфон сотган Samsung 22% бозор улуши билан етакчилик қилмоқда.
Иккинчи ўринни 52.4 миллион дона смартфон сотган Apple банд этган. Apple'нинг бозордаги улуши 15% ни ташкил қилган.
Xiaomi биринчи чоракда 49 миилион дона смартфон сотган ва бозорнинг 14% улушини қайд этган.
BBK корпорация аъзолари Oppo 37.6 миллион ва vivo 36 миллион смартфон сотган ҳолда кучли бешликни якунлашган. Oppo компанияси смартфонлар етказиб бериши биринчи чоракда 60% га ўсган ва бу глобал бозордаги энг жадал ўсиш ҳисобланади.
Тахминан 18.6 миллион дона смартфон сотган Huawei жадвалнинг еттинчи поғонасидан ўрин олган.
Canalys давом этаётган COVID пандемияси ҳали ҳам смартфонлар савдосига салбий таъсир этишда муҳим роль ўйнайди, деб тахмин қилмоқда. Бундан ташқари, чипсетлар етишмовчилиги ҳам смартфон ишлаб чиқаришга катта таъсир ўтказётгани айтиб ўтилди.
Ушбу икки омил брендларни ўзларининг минтақавий стратегияларини пандемиядан қутулаётган мамлакатлар ва ҳозирда қийинчиликларга дуч келаётган мамлакатларга кўпроқ эътибор қаратиб қайта кўриб чиқишга мажбур қилиши мумкин.
Чипсет танқислиги, айниқса, кичик смартфон компанияларига зарар етказиши мумкин ва ҳатто уларни LG каби бозордан чиқариб юбориши мумкин.
ЎҚИНГ: Google раҳбари Сундар Пичаи ўтган йили қанча маош олгани маълум бўлди
