Caviar қишки Олимпиада ўйинларига бағишланган қимматбаҳо iPhone 13 Pro қурилмаларини тақдим этди
Кечадан 2022 йилги қишки Олимпиада ўйинларига старт берилди. Россиянинг Caviar бренди ушбу катта спорт тадбиридан илҳомланиб, махсус талқиндаги смартфонлар коллекциясини тақдим этди. Ундан 117 та ноёб турдаги смартфонлар ўрин олган.
Olympic Hero модели заргарлик қотишмалари ҳамда 24 карат олтин, Olympic Hero Gold модели эса 18 карат соф олтин билан қопланган.
Иккила модель ҳам iPhone 13 Pro ҳамда 13 Pro Max қурилмалари асосида яратилган, яъни уларнинг орқа панелидан шиша қоплама олиб ташланиб, унинг ўрнига қизил мато жойлаштирилган. Мато устида эса Пекин Олимпиа логотипи, Олимпиа халқалари ҳамда бир неча спорт мусобақалари ўтказиладиган Пекиндаги тоғ тасвирланган.
128ГБ хотирага эга бўлган iPhone 13 Pro Olympic Hero моделининг нархи 6450 доллардан бошланса, 1ТБ хотирага эга iPhone 13 Pro Max Gold моделининг нархи 27,620 долларни ташкил қилади.
