Чармдан қилинган ноутбук: HP Spectre Folio намойиш қилинди

  •   Saroy
  •  506
  •  02.10.2018 13:14

Чармдан қилинган ноутбук: HP  Spectre Folio намойиш қилинди

Spectre Folio ноутбуки ноодатий конструкцияга эга, яъни у чарм ғилофига қистириладиган клавиатурали планшетга ўхшайди. Фақат ушбу ғилофни ечиш мумкин эмас. Қурилмани одатдаги ноутбук ва қўлда олиб юриладиган ёки столга қўйиб ишлайдиган планшет сифатида ҳам фойдаланиш мумкин. Тахланган ҳолатда компьютер худди чарм портфелга ўхшайди.

HP компанияси Spectre Folio ноутбукини яратишда юпқалик ёки вазнини енгил қилиш ортидан қувмади. У MacBook Pro 13 ноутбукига қараганда бироз оғирроқ бўлди. Компаниянинг асосий мақсади ўзида ноутбук ва планшетни бирлаштирган ноодатий компьютер яратишдан иборат бўлган. Бундан ташқари, улар трансформер 2 ғоясидан бироз четга чиққан. Ушбу ғоя бўйича ноутбук 360 даража очилиши мумкин. Бу ерда конструкция жуда оддий ишлайди.

ЎҚИНГ:ASUS ва MSI'да муаммо: ўйин ноутбуклари харидорларини йўқотмоқда

Компьютер 13,3-дюймли сенсорли Full HD дисплейига эга. Қурилма корпусида учта USB Type-C порти жойлашган. Уларнинг бири қувватлантириш учун фойдаланилади. Компьютер олтинчи авлод Intel Lake-Y процессорида ишлайди. Чунки у фаол совутгичи бўлмаган портатив компьютерлар учун мослаштирилган. Модель  Core i5 билан бир бор қувват олса 19 соат ишлайди, Core i7  билан эса  17 соат. Бундан ташқари, LTE модеми ўрнатилган модел ҳам бор.

Айни пайтда  Spectre Folio ноутбуки АҚШ бозорида сотилмоқда. Core i5 билан ишлайдигани 1299 доллар.  Core i7 ёки LTE-модули учун яса яна 200 доллар қўшишга тўғри келади.

ЎҚИНГ:5G-смартфон ва ноутбукларга мўлжалланган Snapdragon 850 илк бор бенчмаркда синаб кўрилди

 

Сайтимизнинг энг чиройли расмларини Инстаграмдаги саҳифамизда томоша қилинг!