Чип етказиб бериш бўйича MediaTek етакчи!
Counterpoint таҳлилий компаниясининг мутахассислари маълумотларига кўра, 2021 йилнинг иккинчи чорагида смартфонлар учун ягона чипли тизимларнинг (SoC) глобал етказиб берилиш ҳажми ўтган йилнинг шу даврига нисбатан 31% га ошган.
ЎҚИНГ: SoC нима?
Агар фақат 5G тармоқларини қўллаб-қувватлайдиган смартфонларнинг чиплари ҳақида гапирадиган бўлсак, бу борада етказиб бериш ҳажми деярли тўрт баравар ўсди.
Бозор этакчиси MediaTek бўлиб турибди. Компания SoC смартфонлари бозорининг 43% ни эгаллади. Бир йил олдин MediaTek'нинг улуши 26% ни ташкил қилар эди.
Qualcomm иккинчи ўринда. Ушбу компаниянинг улуши йил давомида 28% дан 24% гача камайди.
Учинчи ўрин Apple'га насиб этди. iPhone 12 сериясидаги смартфонларга барқарор талаб сабали, компания ўтган йилги 14% улушини сақлаб қолишга муваффақ бўлди.
Тўртинчи ўринни UNISOC эгаллади. Компания бозор улушининг 4% дан 9% гача ўсишига Honor, realme ва Motorola каби йирик компанияларнинг ундан кўп миқдорда чип сотиб олгани сабаб бўлди.
Samsung кучли бешликка якун ясайди. Жанубий кореялик техногигант улуши йил давомида 12% дан 7% гача камайди.
Бундан катта зарарни 16% дан 3% гача бозор улуши камайган HiSilicon кўрди. АҚШ тақиқлари туфайли, компания Huawei смартфонларида ишлатиладиган Kirin SoC'ларини ишлаб чиқара олмади.
ЎҚИНГ: Snapdragon 888 чипига эга бўлган энг яхши смартфонлар билан танишамиз
