Чизмалар Xiaomi 12 Ultra қандай дизайнда бўлишини кўрсатиб берди

Чизмалар Xiaomi 12 Ultra қандай дизайнда бўлишини кўрсатиб берди

Xiaomi доим янгича дизайндаги смартфонларни ишлаб чиқаришга ҳаракат қилади. Смартфонлар сотувга чиқишидан аввал патентлаш жараёнидан ўтади. Айнан ушбу босқичда смартфон қандай дизайнда бўлиши маълум бўлади. 

ЎҚИНГ: Motorola бешта янги смартфонни тақдим этди 

Xiaomi ўзининг янги смартфонинининг чизмаларини тақдим этди. Катта эҳтимол билан бу - Xiaomi 12 Ultra смартфони бўлиши мумкин. 

Суратдаги чизмадан кўриниб турибдики, смартфон тўрта камерага эга бўлади. Асосий сенсор камера модулининг энг юқори қисмда жойлашган бўлса, перископ камера пастки қисмидан ўрин олган. Mi 11 Ultra смартфонига учта камера ўрнатилган эди. Унинг янги авлодида эса камералар сони биттага кўпаяди. 

Дастлабки маълумотларга кўра, смартфон 50МП, 48МП, 48МП, 48МП резолюциядаги камераларга эга бўлади. Xiaomi 12 Ultra юмалоқ тирқишли селфи камерага, Xiaomi 12 Enhanced Edition эса Xiaomi Mix 4 каби экраности селфи камерага эга бўлиши кутилмоқда. 

Xiaomi 12 смартфонининг расмий тақдимоти 12 декабрь санасида бўлиб ўтиши режалаштирилган. Xiaomi 12 Pro, Xiaomi 12 Ultra, Xiaomi 12 Ultra Enhanced Edition смартфонлари эса февраль ойининг охирида тақдим этилади. 

ЎҚИНГ: Galaxy A73'нинг рендерлари эълон қилинди 

Terabayt.uz сайтининг видеолари: Youtube'даги каналимизда!