Chrome браузерининг Android иловасида қидириш сатрини пастга кўчириш мумкин бўлади

Сўнгги йилларда смартфон шунчаки алоқа воситаси вазифасини бажариш доирасидан чиқиб, қўшимча турли функцияларни ҳам амалга оширадиган қурилмага айланди. Хусусан, смартфоннинг интернет тармоғи билан боғланишдаги аҳамияти жуда катта. Мазкур тенденцияни яхши тушунган смартфон ишлаб чиқарадиган компаниялар ҳозирда, асосан, экран диагонали 5 дюймдан йирик бўлган қурилмаларни сотувга чиқаришмоқда.

Бироқ бундай катта экранли қурилмаларни бир қўл билан бошқариш қийин ва ноқулай. Айниқса, кўплаб бошқариш элементлари экраннинг юқори қисмида жойлашганда мазкур ноқулайлик янада ортади. Androidpolice нашрининг ёзишича, Google компанияси мазкур эргономик муаммони олдиндан англаган ҳолда Chrome браузерининг Android иловасида қидириш сатрини экраннинг қуйи қисмига жойлаштиришга қарор қилишди. Ҳозирча бундай функция фақат  Chrome Beta ва Chrome Canary дастурларида мавжуд.

Бета-синовлар якунлангандан сўнг ушбу функция браузернинг Android иловасида пайдо бўлади. Ҳозирча чиқиш муддатига аниқлик киритилмаган.