Chuwi Hi Power – икки томонлама тезкор зарядланадиган ташқи аккумулятор
Android ва Windows операцион тизимлари базасида планшетлар ишлаб чиқарадиган Хитойнинг Chuwi компанияси 10 500 мА/ст сиғимидаги Hi Power портатив ташқи зарядлаш қурилмасини тайёрлади. Hi Power икки тарафлама (кириш/чиқиш) QuickCharge 3.0 (18 Вт) стандартидаги тезкор зарядлаш функциясини қўллаб-қувватлайди ва Qualcomm томонидан махсус сертификатга эга.
Қурилмага LG ва Panasonic фирмалари томонидан яратилган катта сиғимдаги аккумулторлар, шунингдек, Texas Instruments компаниясига тегишли тўққиз босқичли қувват контрелларлари ўрнатилган.
Chuwi Hi Power’нинг фойдали иш коэффициенти 93%ни ташкил этади. Бундан ташқари, у Apple ва BC1.2 тезкор зарядлаш технологиялари билан мос келадиган AiCharge опциясини ҳам қўллаб-қувватлайди. Портатив аккумулятор юпқа ва енгил корпус билан ажралиб туради. Ҳозирча қурилманинг нархи борасида маълумот берилмаган.
