COD: Warzone мобил қурилмалар учун ҳам чиқарилади

Activision компанияси Call of Duty®: Warzone™ ўйинининг мобил версиясини ишлаб чиқариш учун бир нечта мутахасиссларни ишга олмоқчи эканлиги ҳақида эълон берди. 

"Биз ўйинчилар учун Call of Duty®: Warzone™ нинг бутунлай янги, ААА мобил тажрибасини яратмоқдамиз. Бу "battle royal" тажрибасидаги ўйин замонавий технологиялар билан мобил қурилмалар учун яратилмоқда. Бизнинг истеъдодлардан иборат жамоамизга қўшилинг." дея хабар қолдирган компания Call of Duty блогида. 

Гарчи бу ўйин учун расмий баёнот бўлмасада, хабардан Warzone Mobile ўйинининг яратилиш жараёни аллақачон бошлаб юборилганини билиш мумкин. Warzone Mobile қачон чиқарилиши аниқ эмас, лекин катта эҳтимол билан шу йил охирида чиқарилиши мумкин ва бу COD: Mobile ўйинидан кейинги мобил қурилмалар учун чиқарилган Call of Duty'нинг иккинчи ўйини бўлади. 

Компания ўйинни яратиш учун инжинерлар, дизайнерлар, продюсерлар ва маҳсулот менежерларини қидирмоқда. Вакансиялар учун батафсил маълумотларни бу ердан топишингиз мумкин. 

ЎҚИНГ: Call of Duty: Warzone 2 ва Modern Warfare (2019) нинг давоми расман шу йили чиқарилади!