Counter-Strike 2 ёки CS:GO янгиланиши?

Counter-Strike 2 ёки CS:GO янгиланиши?

Британиялик таниқли журналист, Ричард Люиснинг ўзига яқин бўлган манбага асосланиб хабар беришича, Counter-Strike: Global Offensive ўйини катта янгиланишни қабул қилиш арафасида турибди – Valve ўйинни Source 2 двигателида кўчирмоқда. Люиснинг айтилишича, компания аллақачон ўзининг Сиетлдаги штаб-квартирасига янги ўйинни синаб кўриш учун профессионал CS:GO ўйинчилари гуруҳини чақирган.

Бундан ташқари, ўтган ҳафта Reddit фойдаланувчиси NVIDIA'нинг янги драйверларида csgo2.eхе ва cs2.eхе деб номланадиган файлларни пайқаб қолган.

Маълум бўлишича, Dota 2 ва Half-Life: Alyx ўйинларида аллақачондан бери қўллаб-қувватланиб келинаётган Source 2 двигателига CS:GO ўйинини ҳам ўтказиш унинг янада яхшироқ графика ва ишлаш билан таъминлайди.

Бу ҳали ҳаммаси эмас. Люиснинг қўшимча қилишича, "янги CS:GO" ўйинчиларга FACEIT ёки ESEA каби учинчи томон платформа каби матчъларни топиб қўшилиш имконини берадиган янада яхшиланган тизим билан келади. Қолаверса, Valve ўйин томонидан ишлатиладиган серверларнинг янгиланиш тезлигини 64 дан 128 гача ошириши кутилмоқда, бу эса онлайн ўйинларда кечикишни камайтиради.

Source 2 движокидаги янги CS:GO шунчаки катта янгиланиш бўладими ёки бу бутунлай янги, Counter-Strike 2 ўйиними ҳозирча номаълум, лекин уни синовдан ўтказиш 1 апрелдан бошланиши кутилмоқда.

Хабарларни тез ва осон ўқиш учун Андроид иловамизни сақлаб олинг.