Crackdown 3 ўйини: барчасини вайрон қил!

  •   DiMaX
  •  871
  •  26.10.2018 09:59

Crackdown 3 ўйини: барчасини вайрон қил!

Жорий йилнинг 13–15 июнь кунлари Лос-Анжелесда бўлиб ўтган Electronic Entertainment Expo (E3 2018) кўргазмасида Crackdown ўйинининг учинчи версияси ҳам эслаб ўтилган эди. Шундан кейин бу ўйин ҳақда бирор янгилик учрамаётганди, энди Klobrille никли инсайдер геймерларга уни эслатди.

ЎҚИНГ: Хэллоуин арафасида Sony «даҳшатли» PlayStation ўйинларига улкан чегирма эълон қилди

Twitter микроблоглар тармоғида Klobrille ёзган твитларга қараганда, Crackdown 3 устида иккита жамоа ишламоқда. Microsoft тўрт нафар геймерга мўлжаллаб қизиқарли сюжет ёзишни Sumo Digital компаниясига топширган. Ruffian Games эса ушбу ўйин учун мультиплеер режимини яратиш устида ишламоқда.

Инсайдернинг ёзишича, Crackdown 3 мазкур ўйиннинг биринчи талқинидан икки карра катта бўлади. Ўйин харитасида ҳатто баландлиги 1.2 километрга етувчи осмонўпар бино ҳам бор, бу эса айни дамда дунёдаги энг юксак бино – «Бурж Халифа»дан 400 метрга баланд, деганидир.

Klobrille геймплей ҳақида батафсил маълумот бермаган, лекин унда геймерлар кўзларига кўринган ҳамма нарсани бузиб, вайрон қилишлари мумкинлигини айтган. Crackdown 3 харитасида мингта шар яширинган бўлиб, ўйинчилар уларни топишлари керак бўлади.

Гарчи булар ҳозирча фақат миш-миш бўлса-да, Klobrille аллақачон геймерлар ишончини қозониб улгурган. Шу йилнинг июнида бу инсайдер Microsoft корпорацияси Playground Games’ни сотиб олишини олдиндан айтган. Октябрда эса, бу компания Obsidian билан музокаралар олиб бораётганини маълум қилган.

Crackdown 3 тақдимот вақти ҳозирча номаълум, бу борадаги ва умуман ўйинлар ҳақидаги янгиликлардан биринчилар қаторида бохабар бўлиб бориш учун бизни кузатишда давом этинг.

ЎҚИНГ: Red Dead Redemption 2 ўйинининг тақдимотини кутмасдан, уни юклаб олиш мумкин!

Сайт янгиликларидан доимий хабардор бўлиш учун Телеграм каналимизга қўшилинг!