Дастурчиларнинг маоши қанча?

  •   DiMaX
  •  10561
  •  14.02.2017 12:03

Дастурчиларнинг маоши қанча?

Ахборот технологиялари соҳасидаги ишлар дунё бўйлаб энг юқори ҳақ тўланувчи ишлар қаторига киради. Маош юқорилиги жиҳатидан, бошқа соҳаларда бўлгани каби, биринчи ўринда директорлар туради. Аммо кўпинча IT-компанияларда ҳам оддий дастурчилар ва дастурий таъминот ишлаб чиқувчиларнинг иш ҳақлари айрим бўлим бошлиқлариникидан баландроқ бўлиши мумкин.

Келинг, яхшиси, «Моё образование» сайти яқинда эълон қилган маълумот – Россиядаги дастурчиларнинг ойлик маошлари рейтингини кўриб чиқсак. Эслатиб ўтамиз – иш ҳақлари сўмда кўрсатилган.

Лавозими Ўртача

маош

Энг юқори

маош

Java бўйича етакчи дастурчи 18 423 000 26 151 000
Oracle бўйича етакчи дастурчи 16 045 000 23 770 000
бўйича етакчи дастурчи 15 450 000 23 770 000
PHP бўйича етакчи дастурчи 15 450 000 23 770 000
С# бўйича етакчи дастурчи 14 490 000 20 200 000
С++ бўйича етакчи дастурчи 14 262 000 21 390 000
Java бўйича дастурчи 14 856 000 23 770 000
Oracle бўйича дастурчи 14 262 000 21 390 000
Релиз-муҳандис 14 262 000 23 770 000
iOS бўйича ишлаб чиқувчи 13 662 000 21 390 000
бўйича дастурчи 13 075 000 21 390 000
Ruby бўйича дастурчи 13 075 000 17 823 000
С++ бўйича дастурчи 13 075 000 20 203 000
Android бўйича ишлаб чиқувчи 13 075 000 20 203 000
Delphi бўйича дастурчи 12 475 000 17 823 000
Python бўйича дастурчи 12 475 000 19 016 000
PHP бўйича дастурчи 11 405 000 21 390 000
JavaScript бўйича дастурчи 11 288 000 17 823 000
Perl бўйича дастурчи 11 288 000 21 390 000
Flash бўйича ишлаб чиқувчи 10 695 000 17 823 000

Superjob портали тадқиқотлар маркази берган маълумотларга кўра, Java бўйича етакчи дастурчининг ўртача иш ҳақи синовдан ўтказиш бўлими раҳбарининг маошидан юқорироқ экан. Дастурчининг маоши тегишли лавозимга талабгорлар сонига ҳам боғлиқ бўларкан. Яъни, қайси лавозим талабларига жавоб бера олувчи дастурчилар қанча кам (рақобат паст) бўлса, шу лавозим учун маош шунча юқори бўлар экан.

Юқоридагилардан ташқари, дастурчининг маоши у дастур ёзадиган тилга ҳам боғлиқ бўлиши мумкин. Масалан, фақат JavaScript’да ёзадиган дастурчиларга талаб паст ва уларнинг хизмати унча юқори баҳоланмайди. Чунки JavaScript – анча кенг тарқалган ва у одатда бошқа тилларга қўшимча тил ҳисобланади.

Superjob тадқиқотчиларининг изоҳлашича, Perl тилли дастурчиларда ҳам шунга ўхшаш ҳолат – уларга эҳтиёж камайиб бормоқда. Perl тили дастурлаштиришнинг бошқа, замонавий тиллари томонидан сиқиб чиқарилмоқда ва унда «ижод қилувчи» дастурчилар бошқа тилларни ўзлаштириб олишмоқда.

Хўш, юқоридаги рақамларни кўриб, сизнинг ҳам дастурчи бўлгингиз, ёки фарзандингизни шу соҳага йўналтиргингиз келиб қолдими? Унда сайтимизни кузатиб боринг – бу борада муҳим ва қизиқ маълумотлар ҳали олдинда!

Сайт янгиликларидан доимий хабардор бўлиш учун Телеграм каналимизга қўшилинг!