Датчикли экранга эга, 510 долларлик Oppo R17 селфифони чиқди!

  •   DiMaX
  •  1402
  •  23.08.2018 15:01

Датчикли экранга эга, 510 долларлик Oppo R17 селфифони чиқди!

Oppo компанияси ўзининг Oppo R17 смартфони ҳамда унинг «Pro» версиясини тайёрлаётгани ҳақида бир қатор хабарлар берганмиз. Бугун шу Oppo R17 расман тақдим этилди ва унинг учун тахминан 510 доллар нархида олдиндан буюртма олина бошлади.

ЎҚИНГ: Oppo уч камерали смартфонини намойиш қилди

Oppo R17 моделининг дисплейи диагоналига 6,4 дюймлик бўлиб, тасвир аниқлиги 2280х1080 пикселни ташкил этади. Смартфон олд юзасининг 91,5 фоизини эгаллаган экран энг янги – Corning Gorilla Glass 6 ҳимоя шишаси билан муҳофазаланган. Ушбу моделда дактилоскопик датчик ҳам экраннинг ўзига интеграция қилинган

Қурилманинг «электрон юраги» сифатида якка кристалли Snapdragon 670 танланган, у 8 гигабайтлик тезкор хотира билан ҳамкорликда ишлайди. Смартфоннинг доимий хотираси ҳажми эса 128 гигабайтга тенг. У Android 8.1 Oreo операцион тизим талқинига асосланган ColorOS 5.2 график интерфейси бошқаруви остида ишлайди.

Oppo R17 асосий камерасига 16 ва 5 мегапикселли датчиклар ўрнатилган, диафрагмаси эса f/1,8’га тенг. Экраннинг томчисимон «кемтиги»да жойлашган олд камераси эса нақ 25 мегапикселли Sony IMX576 датчигига ҳамда 3D-портрет яратиш функциясига эга.

Смартфоннинг «қувват тоши» – 3500 мА/соатлик ток сиғимига эга аккумулятор бўлиб, унга 20 ваттлик VOOC Flash тезкор қувватлаш технологияси татбиқ этилган.

ЎҚИНГ: 23 августда тақдим этилаётган «учкўз» Oppo R17 Pro флагмани iPhone X’дан зўр! (+видео)

Сайт янгиликларидан доимий хабардор бўлиш учун Телеграм каналимизга қўшилинг!