Давлат тест маркази ижтимоий тармоқлар ва Telegram-каналлардаги фириблардан огоҳлантирди
Ижтимоий тармоқларда турли ўқув марказлари томонидан Давлат тест маркази билан ҳамкорликда тест синовлари ўтказилиши, тест топшириқлари 100% ДТМ экспертлари томонидан тузилганлиги ва кириш имтиҳонларида тушиши мумкинлиги ҳамда хизмат нархи 55 000 сўмни ташкил этиши ҳақидаги хабарлар тарқалмоқда. Давлат тест маркази бу каби хабарларни рад этди.
ЎҚИНГ: ДТМ тест натижасини онлайн кўриш янада осонлашди!
«Ижтимоий тармоқларда эълон қилинаётган бундай хабарлар бутунлай нотўғри эканлигини маълум қиламиз», – дейилади ДТМ хабарида.
Давлат тест маркази томонидан ўтказиладиган диагностик тест синовлари Давлат тест маркази ва унинг ҳудудий бўлимларида ҳар пайшанба куни 2 сменада ташкил этилади ва хизмат нархи 15 000 сўмни ташкил этади.
Диагностик тест синовлари учун рўйхатга олиш Давлат тест марказининг интерактив хизматлар портали (my.dtm.uz сайти) орқали амалга оширилади.
ЎҚИНГ: Instagram ва Тelegram’даги тадбиркорлар ДСҚда рўйхатдан ўтишлари шарт!