Декабрь ойи охирида хитойлик смартфонсоздан навбатдаги флагманларни кутинг

Декабрь ойи охирида хитойлик смартфонсоздан навбатдаги флагманларни кутинг

vivo X60 серияси ва ниҳоят тақдим қилиниш арафасида. Янги смартфонлар 29 декабрь куни расман тақдим қилинади.

vivo X60 Pro смартфони Exynos 1080 чипида ишлайдиган илк қурилма бўлади. Тақдимот давомида vivo, шунингдек, Германиянинг оптик маҳсулотлар ишлаб чиқарувчи ZEISS компанияси билан ҳамкорликни бошлаганини  эълон қилиши ҳам кутилмоқда.

vivo X60 серияси 2020 йилда тақдим қилинажак энг сўнгги смартфонлардан бўлади. Ушбу қурилмалар Samsung'нинг 5 нанометрлик энг сўнгги чипсетида ишловчи илк смартфон бўлиш билан бирга қадоқданоқ OriginOS операцион тизимига эга биринчи девайсга айланади. Маълумот учун, OriginOS vivo'нинг Android асосига қурилган янгиланган операцион тизими ҳисобланади.

Бундан олдинги vivo X50 серияси таркибида учта смартфон бўлгани боис, X60 моделлари билан ҳам худди шундай бўлишини кутиш мумкин.

Умид қиламизки, янги смартфонлар vivo X50 моделларидан фарқли ўлароқ, Хитойдан ташқи бозорларда ҳам сотувга чиқади.

ЎҚИНГ: 80 хилдаги Xiaomi, Redmi ва Poco смартфонларига MIUI 12.5 прошивкаси келади!

Terabayt.uz сайтининг видеолари: Youtube'даги каналимизда!