Dell VR-контент учун кучли компьютерларни тақдим қилди

Dell VR-контент учун кучли компьютерларни тақдим қилди

Dell компанияси Precision туркумида виртуал воқелик контентини яратиш ва ундан фойдаланиш учун яратилган янги локал тармоқ таркибига кирувчи компьютерларини намойиш қилди.
Маълумки, воркстейшн компьютерлари ишлаш самарадорлигининг юқорилиги билан оддий компьютерлардан фарқ қилади.

Янги компьютерларнинг барчаси виртуал воқелик технологиясида ишлаш талабларига жавоб беради ва лицензияга эга махсус график драйверлар билан таъминланган. Улардаги тизим айни пайтда виртуал воқелик шлемларини ишлаб чиқараётган ишлаб чиқарувчилар тизимлари билан марказлаштирилган.

Dell Precision локал тармоқ компьютерлари бугунги кунга қадар вирутал ўйинлар, компьютерда моделлаштириш ва муҳандислик ишларида кенг фойдаланилмоқда.

Dell Precision

Precision Tower 5810, 7810ва 7910 моделидаги кучли компьютерлари виртуал воқелик тасвирларини монтаж қилиш тизими билан таъминланган Precision Rack 7910 приставкасига ҳам эга.

Илғор Intel Broadwell EP процессори кўп оқимли иловаларни, графика ва катта ҳажмдаги маълумотни ўқиш, VR-контентни яратишга ихтисослашган.

Precision Tower воркстейшнларида янги AMD ва NVIDIA видеокарталари, анъанавий SATA SSD’дан 4 маротаба самарали ишлайдиган Precision Ultra-Speed PCle маълумот ташувчилари, DDR4 моделидаги частота тезлиги 2400 МГц, хотира сиғими 1 ТБ. бўлган тезкор хотира ўрнатилган
Яқиндагина патентланган Dell Reliable Memory Technology технологияси тезкор хотира самарадорлигини, Dell Intel CAS-W технологияси бўлса процессорнинг кеш-хотирасидаги дастурий таъминот фаолиятини янада оширишга хизмат қилади. Шунингдек, янги компьютерларда жорий қилинган суюқлик орқали совутиш тизими қурилма чиқарадиган шовқинни 38 фоизга камайтирган.

Dell компанияси мобиль воркстейшнларни ҳам янги талқинда намойиш қилди. Хусусан, Precision 15 туркумидаги 3000 (3510), 5000 (5510) ва 7000 (7510) моделлари, Precision 17 туркумининг 7000 (7710) моделлари янада ихчамлашиб, уларнинг корпуси 26 фоизга юпқалашган, вазни 12 фоизга енгиллашган, сенсор панел — тапчад ҳажми катталашган, уларнинг профессионал иловаларни ўқиш салоҳияти ошган.

Precision 15 (3510)’да Intel Core ва Intel Xeon’нинг 6-авлод процессорлари, AMD FirePro видеокартаси, DDR4 туридаги тезкор хотира ва Thunderbolt’нинг 4-авлод интерфейсидан фойдаланилган. Бу илғор технология жамланмаси билан юқори даражали 3D-моделлаштириш ва ҳисоб-китобларни амалга ошириш мумкин.

15 дюймли Precision 15 (5510) мобиль компьютери UltraSharp PremierColor InfinityEdge технологиясидаги 4K-дисплейга эга. У Adobe рангли гаммасини 100 фоиз акс эттириш кўникмасига эга. 1,78 кг тош босувчи гаджет аввалги моделларга нисбатан юпқа ва енгил.

Мазкур тизим Intel Core’нинг 6-авлод илғор процессорлари ёки Intel Xeon мобиль процессори, NVIDIA Quadro видеокартаси, DDR4 тезкор хотира ва Thunderbolt 3 портига, шунингдек PCIe SSD’нинг 1 ТБ сиғимли маълумот ташувчи хотира флешкаларига эга.

Precision 15 (7510) кучли ноутбуки эса ҳайбатли корпуси билан мақтаниши мумкин. Шу билан бирга, юпқа корпус енгил ва сифатли материаллардан тайёрланган. Унда самарали совутиш тизими, барча иловаларни юқори частота тезлигида ўқиш функцияси мавжуд.

Precision 15 (7510) ва Precision 17 (7710) моделларида ҳам Intel Core 6-авлод процессорлари, жаҳондаги илк Intel Xeon мобиль процессорлари, NVIDIA Quadro ёки AMD FirePro видеокарталаридан фойдаланилган. Precision 17 (7710)’да 17 дюймли, 1920×1080 сиғимли UltraSharp IPS-экрани ёки 3840×2160 пиксель сиғимига эга UltraSharp IGZO экранлари татбиқ қилинган.

Dell’нинг юқоридаги барча кучли компьютерлари Dell Precision Optimizer дастурий таъминот тизимига, илова ҳамда технологияларга эга.

Мазкур Dell Precision янги локал тармоқ компьютерларига Dell компаниясининг дилерлари веб-сайтлари орқали буюртма бериш мумкин.