Дезинфекцияда кучли радиациядан фойдаланилиши қанчалик тўғри?
Бугунги кунда аҳолининг тўғри ва холис ахборотга эҳтиёжи ортаётгани сир эмас. Афсуски, шу кунларда ижтимоий тармоқларда коронавирус билан боғлиқ фейк хабарлар тарқалмоқда.
ЎҚИНГ: Коронавирус ҳақида тармоқларда сохта ахборот тарқатган қашқадарёликка маъмурий қамоқ жазоси қўлланди
Шу кунларда Telegram каналларда тарқатилаётган яна битта хабарнинг фейк эканлиги ҳақида яқинда ташкил этилган, коронавирус билан боғлиқ фейк хабарлар ҳақида маълумот берувчи Antifake.uz канали огоҳлантирган.
Ваҳима қилиб тарқатилаётган хабарга кўра, Россия коронавирус дезинфекцияси учун кучли радиация тўлқинидан фойдаланар эмиш. Шу муносабат билан мобил телефон ва бошқа қурилмаларни ўчириб қўйиш керак миш. Antifake.uz канали эса бу хабарлар ёлғон эканлиги ва ҳақиқатга тўғри келмаслигини таъкидлаган.
Эслатиб ўтамиз, аҳоли ўртасида ёлғон ахборот тарқатганлик учун жавобгарлик мавжуд.
ЎҚИНГ: Ижтимоий тармоқларда коронавирус ҳақида ёлғон маълумот тарқатган юртдошимиз жаримага тортилди
