Dimensity 700 чипли Motorola Moto G50 5G чиқди
Motorola бугун Австралияда янги Moto G50 5G смартфонини тақдим этди. Янги смартфон мартда чиққан Moto G50 билан кўп жиҳатдан ўхшаш, бироқ янги қурилма Snapdragon 480 эмас, MediaTek Dimensity 700 чипи билан жиҳозланган.
ЎҚИНГ: Motorola Edge 20'нинг рендерлари пайдо бўлди
Икки смартфоннинг камера ва бармоқ изи сканери жойлашувидан бошқа барча асосий техник кўрсаткичлари бир хил.
Янги модель 6,5 дюйм диагоналли, 90Hz янгиланиш частотасига эга HD+ LCD экран билан жиҳозланган. Томчисимон камера тирқишига эса 13МП селфи камера жойлаштирилган. Орқа панелда эса учта камерали модул ўрнатилган бўлиб, у 48МП асосий камера, 2МП макро камера ва 2МП сатҳ камералардан ташкил топган.
Смартфон 4ГБ тезкор, 128ГБ доимий хотира ҳамда microSD карта орқали кенгайтирса бўладиган хотирага эга. 5,000 мАс сиғимли аккумулятор 15 ваттда тезкор заряд олади. Android 11 устига Motorola'нинг My UX УХ интерфейси ўрнатилган. Қурилмада, шунингдек, ён томонда бармоқ изи сканери, аудио жек ва NFC имконияти мавжуд.
Moto G50 5G модели Meteroite Gray ва яшил рангларда мавжуд. Смартфоннинг Австралиядан ташқарида сотилиш-сотилмаслиги ва глобал нархи ҳозирча маълум эмас. Австралияда эса смартфонни 399 Австралия доллари ёки 289 АҚШ долларига сотиб олиш мумкин.
