Dimenity Snapdragon'ни тахтдан ағдарди

Dimenity Snapdragon'ни тахтдан ағдарди

AnTuTu жамоаси сентябр ойига кўра энг кучли Android смартфонлар рейтинггини эълон қилди. Унга кўра, Dimensity 9000+ билан жиҳозланган смартфон топ ўнликдаги барча Snapdragon 8+ Gen 1 чипсети ўрнатилганларни мағлуб қилди.

Шундай қилиб, рейтингнинг биринчи ўринини Asus'нинг ROG 6 Dimensity Ultimate модели 1,123,036 балл билан эгаллаган бўлиб, бу натижага Snapdragon 8+ Gen 1 чипли смартфон ета олмаган. Маълумот учун гейминг смартфон 16ГБ RAM ва 512ГБ хотирага эга.

Фахрли иккинчи ўринни OnePlus'нинг Ace Pro смартфони, албатта, Snapdragon 8+ Gen 1 чипсети билан банд қилган. 1,111,200 балл олган ушбу смартфон 16ГБ RAM ва 512ГБ хотирага эга эди.

Топ учлик iQOO'нинг 10 Pro смартфони 1,091,058 балл билан ёпиб беради.

Тўртинчи ва бешинчи ўринларни Red Magic 7S Pro ва Legion Y70 гейминг смартфонлари эгаллаган бўлса, олтинчи ва еттинчи ўринлар iQOO 10 ва Moto Х30 Pro томонидан банд қилинган. Xiaomi'нинг 12S Pro ва Redmi К50 Extreme Edition смартфонлари саккизинчи ва тўққизинчи ўринларни эгаллашга муваффақ бўлишган. Топ ўнлик оддий смартфон эмас, балки букланадиган смартфон, Xiaomi Mix Fold 2 билан якунланади.

Қизиғи шундаки, гарчи Dimensity чипли Asus ROG 6 Ultimate смартфони Snapdragon чипи ўрнатилганига қараганда яхшироқ ишласа ҳам кўпчилик харидорлар Mediatek'га унча ишонмайдиган кўринади. Яқинда GSMArena томонидан ўтказилган сўровномада 1700 ортиқ одамларнинг 700 га яқини Snapdragon чипли ROG 6 олишни ният қилган бўлса, атиги 370 дан ортиқ қатнашчилар MediaTek'ли моделни сотиб олишга тайёр эканликларини билдиришган.

ЎҚИНГ: Оммабоп смартфонлар топ ўнталиги (39 ҳафта)

Сайтимизнинг энг чиройли расмларини Инстаграмдаги саҳифамизда томоша қилинг!