ДИҚҚАТ: Uzmobile абонентларни фирибгарликдан огоҳлантирмоқда
Интернет ва ахборот технологиялари ривожлангани сайин, жиноятчиликнинг улар билан боғлиқ турли кўринишлари ҳам авж олаётганини кузатиш мумкин. Шу жумладан, мессенжерлар, ижтимоий тармоқлар ҳамда уяли алоқа тармоқлари орқали амалга ошириладиган фирибгарликлардан ҳам эҳтиёт бўлиш лозим.
ЎҚИНГ: UzCard барча пластик карта эгаларини Telegram’даги фирибгарликдан огоҳлантирмоқда
Uzmobile алоқа операторининг абонентларига фирибгарлардан сохта қўнғироқлар келиб тушаётгани ҳақида хабар берган. Шу билан боғлиқ ҳолда, оператор ўз мижозларидан, +882337111* ҳамда +881* префиксли номаълум рақамлардан келувчи қўнғироқлар ва SMS-хабарларга жавоб бермасликларини ва қайтиб қўнғироқ қилмасликларини сўраган. Шунингдек, SMS ва қўнғироқларга рухсат сўровчи мобил иловаларни ўрнатишда эътиборли бўлиш лозимлигини таъкидлаган.
Бугун – 2018 йил 11 июнда операторнинг маълум қилишича, фирибгарлардан келиб тушаётган +881* префиксли номаълум қўнғироқларни бартараф этиш мақсадида тегишли хизматлар томонидан чора-тадбирлар амалга оширилган.
Ҳозирги вақтда +882 префиксидан кирувчи ва чиқувчи қўнғироқлар вақтинчалик тўхтатиб қўйилган.
