«Диснейленд»да «ўргимчак-одам» ролини каскадёр-робот ўйнаяпти! («жонли» видео)
Калифорниядаги «Диснейленд»да яқинда «Қасоскорлар» кампуси очилди. У ерга ташриф буюрувчиларни бино устию атрофида сакраб юрган «ўргимчак-одам» кўпроқ жалб этмоқда. Лекин энг қизиғи – бу каскадёр эмас, балки ҳақиқий роботдир!
ЎҚИНГ: Дунёдаги энг такомиллашган (ва қўрқинчли) роботлар
Робот томошанинг энг хавфли лаҳзаларида актёрнинг ўрнида роль ўйнайди. Бинодан бинога сакраб ўйнаётган роботнинг хатти-ҳаракатларини инсонникидан фарқлаш қийин.
«Дисней» ўзининг каскадёр-роботи ҳақида бундан бир неча йил аввал хабар берган, аммо унда ҳали «ўргимчак-одам» либоси йўқ эди. Мазкур робот бир қатор датчиклар билан жиҳозланган, шулар ёрдамида у атрофдан маълумот олиб, ўз ҳаракатларини бошқаради.
ЎҚИНГ: Робот ясаб 22 ёшида «Шуҳрат» медали олган ихтирочи – вазир ўринбосари Олимжон Тўйчиев билан суҳбат