Doogee Shoot 1 – қўш камерали энг арзон смартфон
Россия смартфонлар бозорида Doogee Shoot 1 сотуви бошланди, деб ёзади Hi-Tech.Mail.Ru сайти. Таъкидланишича, бу – мамлакатда расман тақдим этилган қўшалоқ камерали смартфонлар орасида энг арзон қурилма бўлди.
Гарчи Doogee Shoot 1 – бошланғич даражадаги гаджет бўлса-да, унда суратга олишнинг ажойиб имкониятлари бор. Корпуси металлдан ясалган, уч хил рангда тақдим этилмоқда – қора (Obsidian Black), тилларанг (Mocсa Gold) ва кумушсимон-кулранг (Galaxy Grey).
Смартфоннинг асосий камераси иккита модулни ўз ичига олади. Уларнинг биргаликдаги ишлаши суратни олгандан кейин унда тасвирнинг «чуқур»лиги ва фокусини танлашга имкон беради.
Doogee Shoot 1 хусусиятлари:
- Операцион тизими: Android 6.0 Marhsmallow
- Процессор: MTK6737T
- Тезкор хотира: 2 ГБ
- Доимий хотира: 16 ГБ
- MicroSD карта учун жой: 256 ГБгача
- Экран: 5,5 дюйм, FullHD
- Асосий камера: қўшалоқ, 13 + 8 Мп, қўшалоқ чақноқ
- Олд камера: 8 Мп
- Аккумулятор: 3300 мА/с
- 4G қўллаб-қувватлаши: бор
- Бармоқ изи сканери: DTouch
Хабарда айтилишича, мазкур смартфоннинг Россиядаги нархи – 9900 рубль (тахминан 171 АҚШ доллари).
Эслатиб ўтамиз, Ўзбекистонда сотилаётган айрим смартфонларнинг нархларини сайтимизда кузатиб бориш имкони бор.