Dropbox сервисига янги техник директор тайинланди
Булут хотираси билан алоқадор хизматларни таклиф қиладиган Dropbox компанияси Адитя Агарвални навбатдаги техник директор вазифасига тайинлади. Business Insider сайтининг ёзиишича, Агарвал 2007 йилда Дрю Хьюстон билан ҳамкорликда Dropbox компаниясига асос солган Араш Фирдавсий ўрнини эгаллайди.
Асли келиб чиқиши ҳиндистонлик бўлган Адитя Агарвал 2012 йилдан бери Dropbox компаниясида хизмат қилади. Аввалроқ у Dropbox томонидан харид қилинган Cove стартапининг бошлиғи вазифасида ишлаган.
Агравал олдинроқ Facebook компаниясида дастурчи-муҳандис бўлиб фаолият кўрсатган. Dropbox’га қўшилгач, Агарвал Dropbox Business, Dropbox Enterprise ва Dropbox Paper каби янги сервисларни яратишда ва ишлаб чиқишда бошчилик қилди. Бунгача у компаниянинг вице-президенти лавозимида ишлаб келаётган эди.
Энг қизиғи, Адитя Агарвалнинг турмуш ўртоғи Ручи Сангви ҳам 2011 йилгача Facebook компаниясида ишлаган. Жуфтлик биргаликда Cove стартапига асос солиб, кейинроқ уни Dropbox’га сотиб юборган.
