Дунё бўйлаб энг кўп юклаб олинган иловалар

Дунё бўйлаб энг кўп юклаб олинган иловалар

Sensor Tower компанияси 2022 йилнинг иккинчи чорагига кўра дунё бўйлаб энг кўп юклаб олинган мобил иловалар рўйхатини эълон қилди. Унга кўра, жорий йилнинг апрел, май ва июн ойларида TikTok иловаси 190 миллионга яқин юклаб олишлар сони билан биринчиликни эгаллаган.

Хитойлик ижтимоий тармоқдан кейинги иккинчи, учинчи ва тўртинчи ўринларни Meta компаниясининг "уч мушкетёри", мос равишда, Instagram, Facebook, WhatsApp иловалари банд қилган.

Топ бешликни яна бир ижтимоий тармоқ, Snapchat иловаси 100 миллиондан ортиқ юклаб олишлар билан якунлаб беради.

Ундан кейинги олтинчи ўринни салкам 100 миллион юклаб олишлар билан Telegram мессенжери эгаллашга муваффақ бўлган.

Умумий статистикага қарайдиган бўлсак, рўйхатнинг энг охиридаги YouTube иловасидан ташқари барча иловалар энг кўп Google Play Store орқали юклаб олинган.

ЎҚИНГ: Telegram Premium'га янги функция қўшилмоқда

Terabayt.uz сайтининг видеолари: Youtube'даги каналимизда!