Дунё миқёсида компьютерга бўлган талаб тушиб кетмоқда
Шу йилнинг бошида IDC компьютерларнинг етказиб бериш ҳажми ўтган йилнинг иккинчи чорагига қараганда 15.3% га тушиб кетган. Энди эса тадқиқотчилар ушбу рақамлар учинчи чоракда ҳам 15% га тушиб кетганини айтишмоқда.
Умумий жўнатмалар сони учинчи чоракда 74.3 миллионни ташкил қилди. Иккинчи чоракда бу 71.3 миллион эди. Аммо биринчи чоракда компьютерлар етказиб бериш ҳажми нисбатан юқори эди - 80.5 миллион.
Умумий қилиб айтганда, 2022 йилда компьютерларга бўлган талаб 2021 йилдагидек юқори эмас. Бироқ пандемиядан олдинги даврни ҳисобга олсак, талаб ўртача даражада дейиш мумкин.
Бундан кейин нима бўлади? Хўш, IDC ўртача сотув нархларини ҳам ўрганиб келмоқда. Компонентлар етишмай, уларнинг нархлари шу кунгача сезиларли даражада ошди. Буни ўртача нарх беш чоракдан бери ўсиб бораётгани билан изоҳлаш мумкин. Шу йилнинг биринчи чорагида ўртача нарх 910 долларга етди. Бу 2004 йилдан бери кузатилган энг юқори ўрта нарх ҳисобланади.
Бироқ, ўртача нарх иккинчи ва учинчи чоракда пасайди, бу «бозор чекинаётганини» кўрсатади, деб ёзади IDC Devices & Displays тадқиқотнинг вице-президенти Линн Ҳуанг.
Агар ҳар бир компания қанча компьютер етказиб берганига аҳамият берсак, Apple бу борада ўсишга эришган бўлса, қолган компанияларда пасайиш кузатилди. Купертинолик компаниянинг компьютер етказиб бериш ҳажми ўтган йилгига қараганда 40.2% га кўтарилган. Шундай қилиб, Appple ушбу чоракда етказиб бериш ҳажми бўйича Dell билан деярли тенглашиб олди. Шуни таъкидлаш керакки, охирги уч чоракда кўрсаткичлар тубдан фарқ қилар эди, яъни Dell компанияси Apple'га қараганда икки баробар кўп компьютер етказиб берган эди.
Эслатиб ўтамиз, IDC бу ерда иш столи компьютери ҳамда ноутбукларнинг етказиб бериш ҳажмини кўрсатган. Бундан планшетлар ўрин олмаган.
