Дунё смартфон бозорида етакчи ким ўзи? (2 та рейтинг)
Counterpoint Research таҳлилчилари жаҳон смартфон бозори бўйича 2019 йил якунларини эълон қилишди. Ҳолатни улар иккита рейтингда ифодалашган: фақат 4-чоракнинг ўзида ва йил бўйи энг кўп смартфон сотган компаниялар.
ЎҚИНГ: AnTuTu рейтинги: Интернети энг тезкор смартфонлар
Мутахассисларнинг ҳисоб-китобларига кўра, 2019 йилда смартфон бозорида кетма-кет иккинчи марта қисқариш кузатилган. Аммо 2018 йили пасайиш 4 фоизни ташкил этган бўлса, ўтган йили смартфон сотиш ҳажми атиги 1 фоизга қисқарган. Бунинг устига, тўртинчи чоракда смартфон сотиш 3 фоизга ошган, яъни – бозор қайта жонланмоқда:
Хулласи калом, 2019 йилнинг сўнгги чорагида Apple етакчилик қилиб турибди – у 72,9 миллионта айфон сотиб, бозорнинг 18 фоизини эгаллаган. Иккинчи ўринда Samsung келяпти – 70,0 миллионта смартфон, 17% улуш. Кучли учликни Huawei якунлаб берган – 56,0 смартфон сотган ва бозорнинг 14 фоизи унинг ҳиссасига тўғри келган.
ЎҚИНГ: Galaxy S20 флагманларини iPhone 11’лар билан таққослаб кўрамиз! (Фотогалерея)
АҚШ томонидан босимлар кўрсатилганига қарамасдан, йиллик рейтингда Huawei барибир Apple’дан ўзиб кетган ва иккинчи ўринни қўлдан бермаган. Йил давомида сотилган смартфонлар бўйича Samsung етакчи: 2018 йили у бозорнинг 19 фоизини забт этган бўлса, 2019 йилда мазкур кўрсаткич 20 фоизни ташкил этмоқда. Huawei ҳиссаси 14 фоиздан 16 фоизга кўтарилган бўлса, Apple улуши аксинча – 14 фоиздан 13 фоизгача пасайган.
2020 йилда смартфон бозори янада қизиши кутилмоқда, зеро, етакчи смартфонсозлар бир-биридан қизиқ моделларни тайёрлашмоқда.
ЎҚИНГ: Қарши олинг: Cyberphone – электромобиль билан iPhone чатишмаси! (+видео)
