Дунёдаги чинакамига биринчи буклама смартфон аллақачон сотиб тугатилди (+видео)

Samsung компанияси ўзининг Galaxy Fold моделини қайишқоқ экранли илк буклама смартфон сифатида реклама қилмоқда. Аммо амалда ундан ҳам аввал унча танилмаган битта хитойлик компания шундай қурилмасини сотувга чиқариб ҳам улгурганди.

ЎҚИНГ: Илк буклама 5G-смартфон – FlexPai бугундан сотувга чиқди, лекин бу Samsung ҳам, Huawei ҳам эмас! (+«жонли» видеолар)

Хулласи калом, Royole Technology компанияси ўзининг ушбу инқилобий қурилмасини ўтган йилнинг октябрида тақдим этиб, унинг учун олдиндан буюртма ҳам ола бошлаганди.

Мана, ушбу смартфонни қуйидаги видеода томоша қиламиз:

Кеча – 2019 йилнинг 28 апрелида эса Royole Technology расмий баёнот билан чиқиш қилди. Унга кўра, Tmall онлайн савдо майдончаси орқали савдога қўйилган FlexPai смартфонларининг биринчи партияси буткул сотиб бўлинган. Бироқ ишлаб чиқарувчи ушбу партия ҳажмини маълум қилмаган.

Royole FlexPai моделининг кейинги партияси 9 майдан сотувга қўйилиши маълум. Ушбу смартфон тезкор ва ички хотираси ҳажмига кўра уч хил модификацияда таклиф этилмоқда. Унинг 6/128 гигабайтлик хотиралиси 1337 АҚШ долларига, 8/256 ГБлиги 1486 долларга, 8/512 гигабайтлиги эса 1932 долларга нархланган.

ЎҚИНГ: «Инқилоб» амалга ошмади: Samsung барча Galaxy Fold’ларини қайтариб оляпти!