Дунёдаги энг улкан ва ғалати самолёт сотувга қўйилди (+видео)
Pegasus XL ракетаси сунъий йўлдошларни орбитага олиб чиқишга мўлжалланган. Бу ракетанинг ўзини учириш учун эса Stratolaunch номли улкан самолёт яратилган.
ЎҚИНГ: “Учар тобутлар”: АҚШда бешта энг ёмон жанговар самолётлар рейтинги эълон қилинди
Мазкур самолёт энди Vulcan инвестицион конгломерати томонидан сотувга қўйилди ва унинг нархи 400 миллион АҚШ долларига тенг! Ушбу нарх ичига ҳаво кемасининг ўзи, унинг учун яратилган ангар ҳамда интеллектуал мулкка эгалик ҳуқуқи ҳам киради.
Stratolaunch ўзининг илк парвозини шу йилнинг апрель ойида, Калифорния чўли узра амалга оширган. Ўшанда у 5 километрдан ошиқроқ баландликда тезлигини 304,17 км/соатгача етказа олган.
Мана, буни қуйидаги расмий видеода томоша қиламиз:
Жаҳондаги энг улкан ҳаво кемаси бўлишидан ташқари, Stratolaunch самолётининг энг қизиқ жиҳати – унинг тузилишидир. Унинг иккита 73 метрлик фюзеляжи (асосий корпуси) ўзаро умумий қанот билан бириктирилган. Шу қанотнинг ўзи 117,3 метр узунликда, бу эса америкача футбол ўйини майдонидан ҳам каттадир. Юксиз ҳолида Stratolaunch вазни 250 тоннага тенг.
ЎҚИНГ: Эксклюзив видео: АҚШ президентининг «Охирзамон самолёти»ни ичкаридан томоша қиламиз!
