Дунёдаги энг йирик электрон қора бозорлардан бири йўқ қилинди

  •   DiMaX
  •  731
  •  13.01.2021 11:56

Дунёдаги энг йирик электрон қора бозорлардан бири йўқ қилинди

Германия дунёдаги энг йирик «DarkMarket» электрон савдо майдончаси тугатилганини маълум қилди. У ерда гиёҳванд моддалар, қалбаки пуллар, банк карталари маълумотлари, аноним сим-карталар ва зарарли дастурий таъминотлар сотилгани айтилмоқда. Бу ҳақда «Deutsche Welle» телеканали маълумотига асосланиб Xabar.uz нашри ёзмоқда.

ЎҚИНГ: Банкоматдан пул ўғирлаш дастури сотувга чиқди!

Маълумотларга кўра, «DarkMarket» раҳбари, Австралиянинг 34 ёшли фуқароси 9 январь куни Дания чегараси яқинидаги Олденбург шаҳрида полиция томонидан ҳибсга олинган. У тергов изоляторига олиб кетилган, аммо гумонланувчи кўрсатма беришдан бош тортган.

Германия полицияси операцияни амалга оширишда Австралия, Буюк Британия, Дания, Швейцария, АҚШ, Украина ва Молдовадаги ҳамкасблари билан ҳамкорлик қилди. Украина ва Молдова ҳудудларида «DarkMarket» учун ишлатилган 20 дан ортиқ серверлар топилди. Полиция уларда сақланган ахборот бошқа ташкилотчилар, шунингдек, сотувчилар ва харидорлар тўғрисида маълумот олишга ёрдам беришидан умид қилмоқда.

Ҳибсдан сўнг ҳуқуқни муҳофаза қилиш органлари ходимлари савдо майдончасини ёпиб, уни серверлардан узиб қўйишди. Полиция «DarkMarket»дан 500 мингга яқин харидор ва 2,4 минг сотувчи фойдаланганини аниқлади. Жами 320 минг транзакция амалга оширилган бўлиб, битимлар крипто-валюталарда тузилган. Савдо майдончасида сарфланган маблағларнинг умумий миқдори амалдаги курс бўйича қарийб 140 миллион еврони ташкил этади.

ЎҚИНГ: Хакерлар қандай компьютер ва операцион тизимдан фойдаланишади?

Terabayt.uz сайтининг видеолари: Youtube'даги каналимизда!