Дунёдаги илк 200MP камерали смартфон мана шундай кўринишда бўлади

Дунёдаги илк 200MP камерали смартфон мана шундай кўринишда бўлади

Motorola компаниясининг Moto (Edge) Х30 Pro ёхуд Motorola Frontier, шу билан бирга, глобал бозор учун Moto Edge 30 Ultra номли смартфони келаётган 2 август куни тақдим қилиниши кутилмоқда. Тадбир санаси яқинлашар экан, компания ўзининг расмий Weibo саҳифасига камерафоннинг дизайнини кўриш имконини берадиган тизер суратларини жойлади.

Расмдан қора рангли вариантдаги Moto Х30 Pro смартфонининг ноёб учлик камераси жойлашувини кўришимиз мумкин ва у бир қарашда Xiaomi Civi смартфонини эслатиб юборади. Смартфоннинг ўзига хослиги ҳам айнан камерасида бўлиб, унинг асосий камераси Samsung компаниясинг 200MP ўлчамли сенсори билан таъминланган ва у худди шундай камерага эга дунёдаги илк телефон бўлади. Қолган қўшимча камераларининг бири 50MP ултракенг бўлса, иккинчиси 12MP телефото бўлиб, камера модулининг ўнг томонида LED чироғи ҳам мавжуд. Шунингдек, орқа панелнинг марказига Motorola логотипи туширилганини айтиш лозим.

Moto Х30 Pro олд экранининг ён томонлари бироз эгилган. Селфи камера бу сафар қурилманинг юқори марказга жойланган бўлиб, миш-мишларга қараганда у 60MP бўлиши мумкин.

Техник хусусиятларига келадиган бўлсак, қурилманинг 6.73 дюймли, OLED, Full HD+ дисплейи 144Hz янгиланиш тезлигига эга. Капот остида, албатта, сўнгги русумдаги Qualcomm чипсети, Snapdragon 8+ Gen 1 ўрнатилган ва у Android 12 операцион тизимга асосланган MyUI 4.0 қобиғида ишлайди. 12GB оператив, 256GB доимий хотира. Унинг 4,500 mAh батареяси 125W тезликда зарядланади.

Moto Х30 Pro бир неча кундан кейинг Motorola'нинг янги букламафони, Moto Razr 2022 билан тақдим қилиниши кутилмоқда. Нархи эса 899 евро бўлиши таҳмин қилиняпти.

ЎҚИНГ: Galaxy S23 серияси фақат Snapdragon чипи билан жиҳозланади

Сайтимизнинг энг чиройли расмларини Инстаграмдаги саҳифамизда томоша қилинг!