DxOMark: Бу ҳамёнбоп смартфон камера бобида Nokia 9 PureView флагманига тенг!
HMD Global компаниясининг 48 мегапикселлик бош камерага эга илк телефони Nokia 7.2 бўлиб, у IFA 2019 кўргазмасида тақдим этилган бешта энг яхши смартфон рейтингига кирган. 2019 йилдаги ўнта арзон ва актуал смартфоннинг автономлик синовида ҳам у ўзини кўрсатган.
ЎҚИНГ: Атиги 59 долларга Android Go тизимли Nokia C1 чиқди! (+видео)
Энди эса DxOMark профессионал баҳолаш сервиси Nokia 7.2 моделининг бош камераси имкониятларини текшириб кўрди. Буни қарангки, ўрта нархли ушбу қурилма кутилмаганда мазкур бренднинг Nokia 9 PureView флагмани билан тенг балл олди!
DxOMark рейтингида уларнинг иккаласи ҳам 85 баллга баҳоланган. Тўғри, бу натижа аслида Nokia 7.2 камераси зўр экани эмас, балки кўпроқ Nokia 9 PureView яхши чиқмагани билан боғлиқ.
ЎҚИНГ: Nokia 9 PureView'нинг беш камерали модули DxOMark'да ҳамманинг ҳафсаласини пир қилди
Nokia 7.2 фото суратга олиш бўйича 90 балл, видеосъёмка борасида эса – 75 балл олган. Таққослаш учун келтириб ўтсак, Nokia 9 PureView бу кўрсаткичлар бўйича тегишлича 88 ва 80 баллга баҳоланган эди.
DxOMark мутахассислари ҳамёнбоп смартфоннинг суратга олишдаги аниқ экспозициясини ва турли шароитларда «ёқимли» рангларни чиқариб бера олишини, шунингдек, кенг динамик диапазонини мақташган. Камчиликларидан эса автофокус адашиб кетишини, суратнинг ҳар хил қисмларида аниқлик етишмаслигини айтишган. Видео олишда эса унинг барқарорлаштириш тизими яхши, аммо яна автофокус панд беряпти – бирмунча секин ишлайди. Бир сўз билан айтганда, агар Nokia 7.2 моделида автофокусировка тизими яхши ишлаганида эди, у Nokia 9 PureView флагманини ҳам ортда қолдирарди.
Аввалроқ DxOMark сервиси 2019 йилнинг энг зўр камерофонлари ҳамда селфифонларини эълон қилганди.
ЎҚИНГ: DxOMark тахтидан Mate 30 Pro ва Mi CC9 Pro’ни ағдарган янги қирол! (+видео)
