DxOMark тахтига – Xiaomi Mi 10 Pro ёнига атиги 48 МПлик камера билан ким чиқиб олди?
Oppo компанияси яқинда янги флагманлари – стандарт OPPO Find X2 ҳамда янада илғор Oppo Find X2 Pro смартфонларини тақдим қилган эди. Sony компанияси булардан иккинчиси учун махсус Sony IMX689 датчигини яратган.
ЎҚИНГ: Realme X50 Pro 5G сотувда: Xiaomi Mi 10 рақиби ундан арзон ва атиги 35 дақиқада қувватга тўлади!
DxOMark лабораторияси мутахассислари Oppo Find X2 Pro флагманининг камера имкониятларини аллақачон текшириб кўриб, натижаларини эълон қилишган. Бош камера имтиҳонида у фотосъёмка сифати бўйича 134 балл, видео олиш борасида эса 104 балл олган; камеранинг умумий натижаси 124 баллни ташкил этган.
Айтиш керакки, Xiaomi Mi 10 Pro ҳам айнан шунақа кўрсаткичлар билан бу сервис рейтингида етакчи бўлиб келаётган эди, энди Oppo Find X2 Pro иккалови DxOMark тахтида бирга ўтиришибди.
ЎҚИНГ: Хоҳ камера, хоҳ овоз, Xiaomi – энг шоввоз! (DxoMark рейтинги)
Энг қизиғи шундаки, Xiaomi Mi 10 Pro ва бошқа айрим камерофонларда бош камеранинг асосий датчиги 108 мегапикселлик аниқликда. Oppo Find X2 Pro бўлса «атиги» 48 мегапикселлик сенсорлар билан айни шу натижага эриша олган! Бу эса, камеранинг сенсори юқори мегапикселли эканлиги ҳамиша ҳам бош омил бўлавермаслигини яна бир бор исботлаган.
DxOMark экспертлари бу смартфон ҳақида шундай дейишган:
«Биз аллақачон Oppo камерофонларини кўрганмиз, аммо Find X2 Pro хитойлик компаниянинг ҳақиқий шедеври бўлиб чиқди. Барча вазиятларда аъло даражада ишловчи камераси билан у энг яхши камерофонлар рейтингида (Xiaomi Mi 10 Pro билан бирга) биринчи ўринни эгаллади. Қуёшли кунда кўчада ёки хира ёритилган ресторанда суратга оласизми, ультра кенг бурчакли объектив ёки 5 карралик зум билан расмга туширасизми, боке эффектли портрет ёки 4K форматли видеоклип оласизми – Find X2 Pro сизни уялтириб қўймайди. Бу қурилма ҳар хил вазиятлар учун аъло мобил фотоаппарат бўла олади».
Oppo Find X2 Pro ҳамда унинг «ини»си – Oppo Find X2 билан мана бу мақоламизда батафсил танишиб чиқишингиз мумкин. Кўпчилик таҳлилчилар фикрича, бу смартфонлар Samsung ҳамда Huawei флагманларининг асосий хусусиятларини ўзида жамлай олган. DxOMark лабораториясининг Oppo Find X2 Pro камераси устидаги текширувларига қизиқсангиз, улар мана бу саҳифада (инглиз тилида) берилган.
Лекин масаланинг яна бир томони бор: яқинда тақдим қилинган 108 МПлик датчикка эга флагман – Galaxy S20 Ultra ҳамда ушбу сериянинг қолган икки модели ҳали DxOMark’да ҳали тестдан ўтказилмаганлигини ҳисобга олсак, рейтингда яна катта ўзгаришлар кузатилиши турган гап. Бундан ташқари...
ЎҚИНГ: DxOMark’ни порахўрликда айблашяпти: «холис» баҳолашнинг баҳоси қанча?
