E3 2019’даги энг оммабоп ўйинлар ўнталиги (GameStop версияси)

Жорий йилнинг 11–14 июнь кунлари Лос-Анжелес шаҳрида Electronic Entertainment Expo 2019 компьютер ўйинлари кўргазмаси бўлиб ўтди. Унда кўплаб янги ўйинлар расман намойиш қилинди ҳамда соҳа мутахассисларининг ва геймерларнинг эътиборини тортди.

ЎҚИНГ: Оммабоп бепул ўйин энди iPhone ва Android-смартфонларга ҳам чиқади

Видеоўйинлар, ўйин консоллари ва аксессуарларини сотувчи энг йирик тармоқ бўлган GameStop эса ушбу кўргазмада намойиш этилган ўйинлар орасидан энг оммабоплари, яъни олдиндан буюртма қилинаётганларининг топ-ўнталигини тақдим этди. Компаниянинг таъкидлашича, E3 2019 тадбирининг ўтказилиш даврида ушбу тармоқ дўконларида ўйинларга аввалдан буюртма қилиш ҳажми нақ 63 фоизга ошган!

Хулласи калом, GameStop дўконларида олдиндан буюртма қилиниши бўйича етакчи ўнта ўйин қуйидагилардир:

1. Call of Duty: Modern Warfare
2. Pokemon Sword and Shield
3. Final Fantasy VII Remake
4. Cyberpunk 2077
5. Borderlands 3
6. The Legend of Zelda: Link's Awakening
7. Star Wars Jedi: Fallen Order
8. Gears 5
9. Super Mario Maker 2
10. Crash Team Racing: Nitro-Fueled

Шуниси ҳам борки, аввалдан буюртма очилиши биланоқ Steam ҳамда GOG сотувларида етакчига айланган Cyberpunk 2077 ўйини GameStop рейтингида атиги тўртинчи ўринни эгаллаган.

ЎҚИНГ: Google совринига даъвогар илова ва ўйинлар билан танишинг!