Эҳтиёт бўлинг: Январдаги янгиланиш Xiaomi смартфонларини ишдан чиқармоқда!

  •   DiMaX
  •  3139
  •  26.01.2019 09:20

Эҳтиёт бўлинг: Январдаги янгиланиш Xiaomi смартфонларини ишдан чиқармоқда!

Xiaomi компанияси Mi A2 русумли мобил қурилмалари учун ҳар ойлик хавфсизлик янгиланишларини тарқата бошлаган эди. Афсуски, янги версия айрим смартфонларнинг ишдан чиқишига сабаб бўлаётир.

ЎҚИНГ: Xiaomi смартфони ишлатасизми? Янгиламай туринг, жиддий гап бор!

Интернетдаги турли форумларда Xiaomi Mi A2 эгаларининг шикоятлари кўпайиб қолган. Ёзишларича, январдаги хавфсизлик патчи келганидан сўнг смартфонда «bootloop» хатолиги юзага келган. Бунда қурилма чексиз тарзда кетма-кет ўчиб-ёнаверади.

Тўғри, барча Mi A2 смартфонларида ҳам шу ҳолат кузатилган эмас, аммо бундай вазиятга тушганлар кўп. Афсуски, бу муаммонинг универсал ечими ҳам топилганича йўқ. Айримлар смартфон созламаларини дастлабки ҳолатга қайтариш йўли билан ҳал этишмоқда, лекин баъзиларда бу ҳам ёрдам бермаётган экан.

Xiaomi ушбу ҳолат юзасидан бирор расмий муносабат билдирганича йўқ. Компания ўз хатосини англаб, патч тарқатилишини тўхтатишини кутишга тўғри келади. Биз эса Xiaomi Mi A2 (сотиб олиш) эгаларига ўз смартфонларида автоматик янгиланишларни ўчириб туришларини тавсия этамиз.

ЎҚИНГ: Xiaomi смартфонларининг Android Pie асосидаги MIUI 10’гача янгиланиш жадвали

Terabayt.uz сайтининг видеолари: Youtube'даги каналимизда!