ЭКСКЛЮЗИВ: Galaxy Note 9’нинг илк «жонли» видео ва фотолари!
Жанубий кореяликларнинг тўққизинчи авлод фаблети тақдимот санаси яқинлашгани сайин, бу қурилма хусусида тобора кўпроқ маълумотлар чиқаётир. Жумладан, кечагина унинг матбуот учун тайёрланган расмий фотосуратини чоп этган эдик.
ЎҚИНГ: Galaxy Note 9’нинг илк расмий сурати эълон қилинди!
Энди эса бу планшетофоннинг илк «жонли» расмлари ҳамда видеоси ҳам интернетга чиқиб кетди. Мана, Samsung Galaxy Note 9 олд юзаси қуйидагича кўринишга эга экан:
Ушбу суратлар мазкур девайс ҳақидаги аввалги маълумотларни тасдиқламоқда. Жумладан, горизонтал жойлашган қўшалоқ камера, ва унинг остидан ўрин олган дактилоскопик датчикка назар соламиз:
ЎҚИНГ: Samsung Galaxy Note 9 ҳали намойиш этилгани йўқ, лекин кимлардир уни аллақачон тутиб юрибди
Шунингдек, айрим манбалар тарқатган видеороликда ҳам Samsung Galaxy Note 9 акс эттирилганлиги даъво қилинмоқда. Унда кўрсатилган гаджетнинг орқа панели худди юқоридаги суратлардагидек, ҳатто «Galaxy Note 9» ёзуви ҳам бор. Аммо экраннинг остидаги энлигина ром бу смартфоннинг сохта эканлигига ишора қиляпти.
Мана, ўзингиз кўринг-да:
Айтиб ўтиш керакки, хитойлик «шоввоз»лар ҳали тақдим этилмаган флагманларнинг ҳам нусхаларини тайёрлаб, савдога чиқаришга одатланишган, балки юқоридаги видеода шунақа қалбаки вариантлардан бири кўрсатилгандир.
